ഷാഹിദ് കപൂറിന്റെ 'ദേവ' നേരത്തെയെത്തും
മുംബൈ> റോഷൻ ആന്ഡ്രൂസിന്റെ സംവിധാനത്തിൽ ഷാഹിദ് കപൂർ നായകനായെത്തുന്ന ചിത്രം ദേവയുടെ പുതിയ റിലീസ് തീയതി പ്രഖ്യാപിച്ചു. ചിത്രം ജനുവരി 31ന് തിയറ്ററുകളിലെത്തും. നേരത്തെ ഫെബ്രുവരി 14ന് തിയറ്ററുകളിലെത്തുമെന്നാണ് അറിയിച്ചിരുന്നത്. അതിതീവ്രമായ ഭാവത്തിൽ തോക്കുമായി നിൽക്കുന്ന ഷാഹിദിന്റെ പോസ്റ്ററിനൊപ്പമാണ് അണിയറപ്രവർത്തകർ പുതിയ റിലീസ് തീയതി അറിയിച്ചത്. തയ്യാറായിരിക്കൂ... കാത്തിരിപ്പിന്റെ സമയം കുറഞ്ഞിരിക്കുന്നു. ജനുവരി 31ന് പ്രതീക്ഷിച്ചതിലും വേഗത്തിൽ ദേവ നിങ്ങൾക്കരികിലെത്തും എന്നായിരുന്നു അടിക്കുറിപ്പ്. ഒരു വർഷത്തിന് ശേഷമാണ് ഷാഹിദ് പുതിയ സിനിമയുമായെത്തുന്നത്. കൃതി സാനോന്റെ കൂടെയെത്തിയ തേരി ബാതോ മേ ഏസാ ഉൽജാ ജിയാ ആയിരുന്നു ഷാഹിദിന്റെ അവസാനമായി പുറത്തിറങ്ങിയ ചിത്രം. Read on deshabhimani.com