"സ്ക്വിഡ് ഗെയിം 2' വരുന്നു; റിലീസ് തിയതി പ്രഖ്യാപിച്ച് നെറ്റ്ഫ്ലിക്‌സ്
കാത്തിരിപ്പിനൊടുവിൽ പ്രേക്ഷകർ കാത്തിരുന്ന സ്ക്വിഡ് ഗെയിം സീസൺ 2വിന്റെ റിലീസ് ഡേറ്റ് പ്രഖ്യാപിച്ച് നെറ്റ്ഫ്ലിക്‌സ്. ഡിസംബർ 26നാണ് രണ്ടാം ഭാഗം നെറ്റ്ഫ്ലിക്‌സിൽ റിലീസ് ചെയ്യുന്നത്. വീഡിയോയിലൂടെയാണ് നെറ്റ്ഫ്ലിക്‌സ് റിലീസ് തിയതി പ്രഖ്യാപിച്ചത്. 2021ലാണ് ആദ്യ സീസൺ പുറത്തിറങ്ങിയത്. വാങ് ഡോങ് ഹ്യൂകിന്റെ സംവിധാനത്തിലിറങ്ങിയ കൊറിയൻ ഡ്രാമ ഏറെ ശ്രദ്ധിക്കപ്പെട്ടിരുന്നു. നിരവധി ആരാധകരാണ് പരമ്പരയ്ക്കുള്ളത്. സീസൺ 3 2025ൽ പുറത്തിറങ്ങുമെന്നും മൂന്നാം ഭാഗത്തോടുകൂടി സീരീസ് അവസാനിക്കുമെന്നും സംവിധായകൻ വ്യക്തമാക്കിയിട്ടുണ്ട്. Read on deshabhimani.com