കേരള സർവകലാശാല: പുതിയ കോളേജ്/പ്രോഗ്രാം/നിലവിലുള്ള പ്രോഗ്രാമുകളിൽ സീറ്റ് വർധനവ്/ അധിക ബാച്ച്- വിജ്ഞാപനം പ്രസിദ്ധീകരിച്ചു
തിരുവനന്തപുരം > 2025-26 അധ്യയനവർഷത്തിൽ കേരള സർവകലാശാലയ്ക്ക് കീഴിൽ പുതിയ കോളേജ്/പുതിയ പ്രോഗ്രാം/നിലവിലുള്ള പ്രോഗ്രാമുകളിൽ സീറ്റ് വർധനവ്/അധിക ബാച്ച് എന്നിവയ്ക്കുള്ള അപേക്ഷ ക്ഷണിച്ച് വിജ്ഞാപനം പുറപ്പെടുവിച്ചു. കേരള സർവകലാശാലയുടെ ഔദ്യോഗിക വെബ്സൈറ്റായ www>keralauniversity.ac.in ലെ അഫിലിയേഷൻ പോർട്ടൽ മുഖേന ഓൺലൈനായി അപേക്ഷ സമർപ്പിക്കണം. ശേഷം അപേക്ഷയുടെ പ്രിന്റൗട്ട്, അനുബന്ധ രേഖകളുടെ പകർപ്പ് എന്നിവ സഹിതം സർവകലാശാല ഓഫീസിൽ എത്തിക്കേണ്ടതാണ്. ഓൺലൈനായി അപേക്ഷകൾ സമർപ്പിക്കേണ്ട അവസാന തീയതി 2024 ആഗസ്ത് 31. വിജ്ഞാപനവും അപേക്ഷിക്കാനുള്ള നിർദേശങ്ങളും അഫിലിയേഷൻ പോർട്ടലിൽ ലഭ്യമാണ്. അപേക്ഷയ്ക്കുള്ള ഫീസ് അഫിലിയേഷൻ പോർട്ടൽ മുഖാന്തിരം ഒടുക്കണം. ഓൺലൈനായി സമർപ്പിച്ച അപേക്ഷകളുടെ പ്രിന്റൗട്ടും അനുബന്ധ രേഖകളും രജിസ്ട്രാർ, കേരള സർവകലാശാല, സെനറ്റ് ഹൗസ് ക്യാമ്പസ്, പാളയം, തിരുവനന്തപുരം - 695034 എന്ന വിലാസത്തിൽ 2024 സെപ്തംബർ 7നോ അതിനു മുൻപോ ലഭിക്കത്തക്ക വിധത്തിൽ അയക്കേണ്ടതാണ്. Read on deshabhimani.com