ആലപ്പുഴയിൽ കുറുവ സംഘത്തിലെ ഒരാൾ പിടിയിൽ
ആലപ്പുഴ > ആലപ്പുഴയിൽ കുറുവ സംഘത്തിലെ ഒരാൾ പിടിയിൽ. തമിഴ്‌നാട് സ്വദേശി മണികണ്ഠനാണ് അറസ്റ്റിലായത്. സംഘത്തിലെ ഒരാൾ രക്ഷപ്പെട്ടു. സന്തോഷ് സെൽവം എന്നയാളാണ് രക്ഷപ്പെട്ടത്. മണ്ണഞ്ചേരി പൊലീസ്‌ കുണ്ടന്നൂരിൽനിന്ന്‌ ഇവരെ പിടികൂടിയതായാണ്‌ സൂചന. പ്രദേശത്ത് പൊലീസ്‌ വ്യാപക തെരച്ചിൽ തുടരുകയാണ്‌. പ്രദേശത്ത് കുറുവസംഘം കൂട്ടംചേർന്ന്‌ താമസിക്കുന്നതായി ലഭിച്ച വിവരത്തിന്റെ അടിസ്ഥാനത്തിൽ നടത്തിയ റെയ്‌ഡിലാണ്‌ പ്രതികൾ പിടിയിലായത്‌. ഇതോടെ സ്‌ത്രീകളടക്കമുള്ള വലിയ സംഘം പൊലീസിനെ വളഞ്ഞു. സംഘർഷത്തിനിടെയാണ്‌ ഒരാൾ രക്ഷപ്പെട്ടത്. ഇയാളുടെ കൈയിൽ വിലങ്ങുണ്ട്‌. Read on deshabhimani.com