മോനിപ്പള്ളിയിൽ ടോറസ്‌ കാറിലിടിച്ച്‌ രണ്ടുപേർ മരിച്ചു
ഏറ്റുമാനൂർ > എം.സി റോഡിൽ മോനിപ്പള്ളിയിൽ ഉണ്ടായ വാഹനാപകടത്തിൽ രണ്ടുപേർ മരിച്ചു. പറന്തൽ തൊട്ടിലു വിളവീട്ടിൽ ഗോപാലകൃഷ്‌ണപിള്ള മകൻ ശ്രീജിത്ത് (33), പറന്തൽ കലതി വിളയിൽ മനോജ് (33) എന്നിവരാണ് മരിച്ചത്. ചൊവ്വാഴ്‌ച പുലർച്ചെ 5 30 ന്‌ കാറും ടോറസും കൂട്ടിയിടിച്ചാണ്‌ അപകടം. നെടുമ്പാശ്ശേരി എയർപോർട്ടിൽ സുഹൃത്തിനെ യാത്രയാക്കി തിരികെ മടങ്ങിയ പന്തളം സ്വദേശികളാണ് മരിച്ചത്. ടോറസോടിച്ചിരുന്ന സോമനെ (35) കോട്ടയം മെഡിക്കൽ കോളേജിൽ പ്രവേശിപ്പിച്ചു. മൃതദേഹങ്ങളും മെഡിക്കൽ കോളേജിലേക്ക് മാറ്റി. Read on deshabhimani.com