ദേശീയപാതയിൽ മൂന്നു വാഹനങ്ങൾ കൂട്ടിയിടിച്ച് അപകടം
കോഴിക്കോട് > കോഴിക്കോട്- പാലക്കാട് ദേശീയ പാതയിൽ പനങ്ങാങ്ങര അമാന ടൊയോട്ടക്ക് സമീപം ഒന്നിലധികം വാഹനങ്ങൾ കൂട്ടിയിടിച്ച് അപകടം. കെഎസ്ആർടിസി ബസും കാറും ലോറിയുമാണ് കൂട്ടിയിടിച്ചത്. ഇന്ന് രാവിലെ 10.15 ഓടെയായിരുന്നു സംഭവം. പരിക്കേറ്റ കോഴിക്കോട് വൈദ്യരങ്ങാടി സ്വദേശിയെ പെരിന്തൽമണ്ണ മൗലാന ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് ദേശീയപാതയിൽ വലിയ തോതിൽ ഗതാഗതക്കുരുക്ക് അനുഭവപ്പെട്ടു. Read on deshabhimani.com