പരിശോധനയിൽ എന്തിനാണ്‌ കോൺഗ്രസിന്‌ ബേജാർ: എ കെ ബാലൻ
പാലക്കാട്> തെരഞ്ഞെടുപ്പ് കാലത്ത്‌ വാഹനങ്ങളും ഹോട്ടലുകളും പരിശോധിക്കുന്നത്‌ സർവ സാധാരണമാണെന്നും അതുമായി സഹകരിക്കാൻ കോൺഗ്രസിന്‌ എന്തിനാണ്‌ ബേജാറെന്നും സിപിഐ എം കേന്ദ്ര കമ്മിറ്റിയംഗം എ കെ ബാലൻ. എംഎലമാർ ഉൾപ്പെടെയുള്ള ഞങ്ങളുടെ നേതാക്കളുടെ മുറികളും പരിശോധിച്ചില്ലേ. ഒരു വെപ്രാളവുമുണ്ടായില്ലല്ലോ. ഞങ്ങൾ അതുമായി സഹകരിച്ചല്ലോ. പിന്നെ യുഡിഎഫിന്‌ മാത്രം എന്തിനാണ്‌ പേടി. സാങ്കേതിക പ്രശ്നമുണ്ടെങ്കെിൽ പരാതി നൽകാമല്ലോ. പക്ഷെ കയറാനേ പാടില്ലെന്ന നിലപാട്‌ എന്തിന്‌ സ്വീകരിച്ചെന്നും എ കെ ബാലൻ പാലക്കാട്ട്‌ പറഞ്ഞു. പാലക്കാട് കെപിഎം റീജൻസിയിലെ സിസിടിവി പരിശോധിക്കണമെന്നും അദ്ദേഹം പറഞ്ഞു. Read on deshabhimani.com