അര്‍ജുനായി ഇനി ഓരോ നിമിഷവും; കണ്ണാടിക്കല്‍ ഗ്രാമം പ്രതീക്ഷയിലാണ്
കോഴിക്കോട് > പത്താം നാളില്‍ ഷിരൂരിലെ ഗംഗാവാലിയില്‍ അര്‍ജുനായുള്ള തെരച്ചില്‍ തുടരുമ്പോള്‍ കോഴിക്കോട് കണ്ണാടിക്കല്‍ ഗ്രാമവും വലിയ പ്രതീക്ഷയിലാണ്. ഓരോ ദിവസവും രക്ഷാപ്രവര്‍ത്തനത്തിന്‌ തുടക്കമാകുമ്പോള്‍ അര്‍ജുന്റെ നാടും നെഞ്ചിടിപ്പോടെയായിരുന്നു ആ ദൃശ്യങ്ങളാകെ കണ്ടിരുന്നത് . ഇന്നിപ്പോള്‍ സുരക്ഷാ സംഘം അര്‍ജുനോടടുക്കുമ്പോള്‍ നല്ലവാര്‍ത്ത മാത്രം കേള്‍ക്കാനായി കുടുംബത്തോടൊപ്പം കേരളവും കാത്തിരിക്കുകയാണ് 'വളരെ പ്രതീക്ഷയോടെയാണ് ഇന്നത്തെ കാത്തിരിപ്പ്. ഇന്നലെമുതല്‍ നല്ല റിപ്പോര്‍ട്ടുകളാണ് കേള്‍ക്കുന്നത്. അതിനാല്‍ തന്നെ ഈനാട് മറ്റ് വിമര്‍ശനങ്ങള്‍ക്കോ കമന്റുകള്‍ക്കോ ചെവികൊടുക്കുന്നില്ല': അര്‍ജുന്റെ കുടുംബത്തിന് മുഴുവന്‍ പിന്തുണയും സഹായവും നല്‍കുന്ന അയല്‍വാസി രവി കക്കോടി പറഞ്ഞു. അര്‍ജുന്റെ കുടുംബത്തിന് നേരെ വലിയ സൈബര്‍ ആക്രമണവും ഒപ്പം വ്യാജ വീഡിയോയും പ്രചരിപ്പിച്ചിരുന്നു. കുടുംബം ഇതില്‍ പരാതിപ്പെട്ടിരുന്നു. Read on deshabhimani.com