കോട്ടയത്ത് ബസ് തലകീഴായി മറിഞ്ഞ് അപകടം; മുപ്പത് പേർക്ക് പരിക്ക്
കോട്ടയം > കോട്ടയം വെട്ടിക്കാട്ടുമുക്കിൽ സ്വകാര്യ ബസ് തലകീഴായി മറിഞ്ഞ് അപകടം. മുപ്പത് പേർക്ക് പരിക്കേറ്റു. എറണാകുളം - പാല റൂട്ടിലോടുന്ന ആവേമരിയ ബസാണ് അപകടത്തിൽപ്പെട്ടത്. ഇന്ന് വൈകിട്ട് 7.15ഓടെയാണ് അപകടം നടന്നത്. ബസിന്റെ അമിത വേഗമാണ് അപകടകാരണമെന്നാണ് വിവരം. പരിക്കേറ്റവരെ തലയോലപ്പറമ്പിലെയും വൈക്കത്തെയും ആശുപത്രികളിലായി പ്രവേശിപ്പിച്ചു. കോട്ടയം - എറണാകുളം പാതയിൽ ഗതാഗതം തടസപ്പെട്ടു. Read on deshabhimani.com