വെള്ളോറയിലിറങ്ങിയ അജ്ഞാതജീവി പുലിയെന്ന് നിഗമനം
കണ്ണൂർ > വെള്ളോറയിലിറങ്ങിയ അജ്ഞാതജീവി പുലിയെന്ന് നിഗമനം. എരമം -കുറ്റൂർ പഞ്ചായത്തിലെ കക്കറ, പെരിങ്ങോം- വയക്കര പഞ്ചായത്തിലെ കരിമണൽപാറ തുടങ്ങിയ പ്രദേശങ്ങളിലാണ്‌ പുലിയെന്ന് കരുതുന്ന ജീവി ദിവസങ്ങളായി നാട്ടുകാരുടെ ഉറക്കം കെടുത്തുന്നത്‌. ഈ ജീവി പുലിതന്നെയാകാമെന്നാണ് വനംവകുപ്പിന്റെ നിഗമനം. ഇന്ന് രാത്രി ഏഴിനാണ് ഏറ്റവും ഒടുവിലായി അജ്ഞാതജീവിയുടെ സാന്നിധ്യം കണ്ടത്. വെള്ളോറയ്ക്ക് സമീപം താളിച്ചാൽ റോഡിൽ വഴിയാത്രക്കാരായ രണ്ടുപേരാണ് പുലി റോഡ് മുറിച്ചുകടക്കുന്നത്‌ കണ്ടത്. ഇവർ മൊബൈൽ ഫോണിൽ ദൃശ്യവും പകർത്തി. ഈ ദൃശ്യത്തിൽനിന്നാണ് ഇത് പുലിയാണെന്ന നിഗമനത്തിൽ എത്തിയത്. സ്ഥലത്ത് വനംവകുപ്പിന്റെ നേതൃത്വത്തിൽ നിരീക്ഷണവും പരിശോധനയും കർശനമാക്കി. Read on deshabhimani.com