മലയാളി ഡ്രൈവറെ തമിഴ്നാട്ടില് കുത്തിക്കൊന്നു
നെടുമ്പാശേരി - മലയാളി ലോറി ഡ്രൈവറെ തമിഴ്നാട് കൃഷ്ണഗിരിയിൽ കുത്തിക്കൊന്നു. ചെന്നൈ നാമക്കൽ ട്രാൻസ്പോര്ട്ട് കമ്പനിലെ ലോറിഡ്രൈവറായ നെടുമ്പാശേരി മേയ്ക്കാട് കാരക്കാട്ടുകുന്ന് മുളവരിക്കൽ വീട്ടിൽ ഏല്യാസാണ് (42) കൊല്ലപ്പെട്ടത്. ബംഗളൂരു–ചെന്നൈ റൂട്ടില് കൃഷ്ണഗിരിയിലെ ശരവണഭവൻ ഹോട്ടലിനുമുന്നിലാണ് സംഭവം . ഹൈവേയിലെ കൊള്ളക്കാരുടെ സംഘമാണ് കൊലപാതകത്തിന് പിന്നിലെന്നാണ് പൊലീസ് നിഗമനം. ലോറിയിൽ ഇലക്ട്രോണിക് വസ്തുക്കളാണ് ഉണ്ടായിരുന്നത്. കൃഷ്ണഗിരിയില് ഭക്ഷണം കഴിക്കാന് നിര്ത്തിയപ്പോഴായിരുന്നു കൊലപാതകം. കൃഷ്ണഗിരി മെഡിക്കൽ കോളേജ് ആശുപത്രിയിലുള്ള മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് കൈമാറും. തമിഴ്നാട് പൊലീസാണ് അന്വേഷണം നടത്തുന്നത്. പരേതനായ തോമസാണ് ഏല്യാസിന്റെ അച്ഛന്. അമ്മ: അമ്മിണി. മകന്: അലൻ. Read on deshabhimani.com