സത്യസന്ധരായ ഉദ്യോഗസ്ഥരുടെ ആത്മാഭിമാനത്തെ ചോദ്യംചെയ്യാൻ ആരെയും അനുവദിക്കില്ല: മുഖ്യമന്ത്രി
തിരുവനന്തപുരം > കണ്ണൂർ എഡിഎം ആയിരുന്ന നവീൻ ബാബുവിന്റെ അകാല വിയോഗം ഏറെ ദുഃഖകരമെന്ന് മുഖ്യമന്ത്രി പിണറായി വിജയൻ. ഒരു ഉദ്യോഗസ്ഥനും ഇത്തരത്തിലുള്ള ദുരന്തം ഉണ്ടാവാൻ പാടില്ലെന്നും മുഖ്യമന്ത്രി പറഞ്ഞു. കേരള സെക്രട്ടറിയേറ്റ് എംപ്ലോയീസ് അസോസിയേഷൻ വാർഷിക സമ്മേളനം ഉദ്ഘാടനം ചെയ്യുകയായിരുന്നു മുഖ്യമന്ത്രി. "നവീൻ ബാബുവിന്റെ അനുഭവം ഒരു ഉദ്യോഗസ്ഥനും ഉണ്ടാകാൻ പാടില്ല. ഇത് ഉറപ്പിക്കുന്ന തരത്തിലുള്ള നടപടികൾ സർക്കാരിന്റെ ഭാഗത്തുനിന്ന് ഉണ്ടാകും. സുതാര്യമായും സത്യസന്ധമായും കാര്യക്ഷമമായും തങ്ങളുടെ കടമകൾ നിർവഹിക്കുന്ന ഒരു ഉദ്യോഗസ്ഥന്റെയും ആത്മാഭിമാനത്തെ ചോദ്യം ചെയ്യാൻ ആരെയും അനുവദിക്കില്ല' - മുഖ്യമന്ത്രി പറഞ്ഞു. മനുഷ്യസ്നേഹവും സാമൂഹ്യപ്രതിബന്ധതയും ഉദ്യോഗസ്ഥരുടെ മുഖമുദ്രയായിരിക്കണം. സർക്കാർ സേവനമെന്നത് ഇത്തരമൊരു മുഖമുദ്രയോടെ നിർവഹിക്കുന്ന അവസ്ഥ ഉണ്ടാകാണം. തങ്ങളുടെ അധികാരപരിധിയിൽപ്പെട്ട കാര്യങ്ങളിൽ സമബന്ധിതമായി തീരുമാനങ്ങളെടുക്കണം. നിർഭയമായി ചട്ടപ്രകാരം ഉദ്യോഗസ്ഥർക്ക് തങ്ങളുടെ കാര്യങ്ങൾ നിർവഹിക്കാനുള്ള സാഹചര്യമാണ് സർക്കാർ ഒരുക്കുന്നതെന്നും മുഖ്യമന്ത്രി വ്യക്തമാക്കി. Read on deshabhimani.com