കാർട്ടൂണിസ്‌റ്റ്‌ ശങ്കറിന്റെ ജന്മദിനം ആഘോഷിച്ചു
കായംകുളം കാർട്ടൂണിസ്‌റ്റ്‌ ശങ്കറിന്റെ ജന്മദിനം കൃഷ്‌ണപുരത്തുള്ള ശങ്കർ കാർട്ടൂൺ മ്യൂസിയത്തിൽ ആഘോഷിച്ചു. കേരള ലളിതകലാ അക്കാദമിയും കേരള കാർട്ടൂൺ അക്കാദമിയും സഹകരിച്ചാണ് ചടങ്ങ് നടത്തിയത്. ശങ്കറിന്റെ ചിത്രത്തിൽ പുഷ്‌പാർച്ചന നടത്തി. വയനാട്ടിലെ പ്രകൃതിദുരന്തത്തിൽ മരിച്ചവർക്ക്‌ യോഗം അനുശോചനം അർപ്പിച്ചു. കേരള ലളിതകലാ അക്കാദമി സെക്രട്ടറി ബാലമുരളീകൃഷ്‌ണൻ അധ്യക്ഷനായി. ചടങ്ങിൽ കേരള കാർട്ടൂൺ അക്കാദമി ചെയർമാൻ സുധീർ നാഥ്, പ്രൊഫ. ചേരാവള്ളി ശശി എന്നിവർ മുഖ്യപ്രഭാഷണം നടത്തി. കാർട്ടൂൺ അക്കാദമി സെക്രട്ടറി എ സതീഷ്, സജീവ് ശൂരനാട്, കാർത്തിക കറ്റാനം എന്നിവർ സംസാരിച്ചു. Read on deshabhimani.com