ജില്ലാ കളരിപ്പയറ്റ് ചാമ്പ്യൻഷിപ്പിന് തുടക്കം
കോഴിക്കോട് ജില്ലാ കളരിപ്പയറ്റ് ചാമ്പ്യൻഷിപ്പിന് ഇൻഡോർ സ്റ്റേഡിയത്തിൽ തുടക്കമായി. അഹമ്മദ് ദേവർകോവിൽ എംഎൽഎ ഉദ്ഘാടനംചെയ്തു. ജില്ലാ സ്പോർട്സ് കൗൺസിൽ പ്രസിഡന്റ് ഒ രാജഗോപാൽ അധ്യക്ഷനായി. അസോസിയേഷൻ പ്രസിഡന്റ് ആനന്ദൻ ഗുരുക്കൾ അനുശോചന പ്രമേയം അവതരിപ്പിച്ചു. കളരിപ്പയറ്റ് ദേശീയ മത്സരത്തിൽ മെഡൽ നേടിയ വിദ്യാർഥികളെയും ഗുരുക്കന്മാരെയും സംസ്ഥാന സ്പോർട്സ് കൗൺസിൽ മുൻ പ്രസിഡന്റ് ടി പി ദാസൻ അനുമോദിച്ചു. എ മൂസ ഹാജി സംസാരിച്ചു. മുരളീധരൻ ഗുരുക്കൾ സ്വാഗതവും രാജേഷ് ഗുരുക്കൾ നന്ദിയും പറഞ്ഞു. വെള്ളിയാഴ്ച സബ് ജൂനിയര്‍, ജൂനിയര്‍ വിഭാഗങ്ങളിലായിരുന്നു മത്സരം. രണ്ട് ദിവസത്തെ ചാമ്പ്യൻഷിപ്പിൽ 600ഓളം പേർ പങ്കെടുക്കുന്നുണ്ട്‌. Read on deshabhimani.com