കാറും മിനിലോറിയും കൂട്ടിയിടിച്ച് 2 തമിഴ്‍നാട് സ്വദേശികൾ മരിച്ചു
പുനലൂർ ആര്യങ്കാവ് ഇടപ്പാളയം റെയിൽവേ സ്റ്റേഷനു സമീപം കാറും മിനിലോറിയും കൂട്ടിയിടിച്ച് രണ്ടു തമിഴ്‍നാട് സ്വദേശികൾ മരിച്ചു. തൃച്ചിനാപ്പള്ളി സ്വദേശികളായ രമേശ് (37), പെരിയാർ- ശെൽവൻ (38)എന്നിവരാണ് മരിച്ചത്. രണ്ടുപേർക്ക് പരിക്കേറ്റു. വെള്ളി വൈകിട്ട് 6.30-നായിരുന്നു അപകടം. തമിഴ്‌നാട്ടിൽ നിന്ന് തെന്മലയിലേക്ക് വരികയായിരുന്ന കാറിൽ എതിർദിശയിൽ വന്ന മിനിലോറി ഇടിക്കുകയായിരുന്നു. ലോറിയുടെ പിന്നിൽ പിക്കപ്പ് വാനും ഇടിച്ചു. അപകടത്തിൽ പരിക്കേറ്റ മറ്റുള്ളവരെ പുനലൂർ താലൂക്കാശുപത്രിയിൽ പ്രവേശിപ്പിച്ചു. Read on deshabhimani.com