വയോജനങ്ങൾക്കായി പൊലീസിന്റെ ഉല്ലാസ യാത്ര
തുറവൂർ പട്ടണക്കാട് ജനമൈത്രി പൊലീസ് സ്റ്റേഷൻ വയോജനങ്ങൾക്കായി ഉല്ലാസയാത്ര സംഘടിപ്പിച്ചു. പഞ്ചായത്ത്‌ മഹാത്മാ സായംപ്രഭ വൃദ്ധ സദനത്തിലെ 25 ആശ്രിതർക്കായി ഹൗസ് ബോട്ടിലാണ് യാത്ര നടത്തിയത്. പട്ടണക്കാട്ട്നിന്ന് വാഹനത്തിൽ കൈപ്പുഴമുട്ടിലേക്കും അവിടെനിന്ന് പൊലീസ് ഒരുക്കിയ ഹൗസ് ബോട്ടിൽ കുമരകം ടൂറിസ്റ്റ് കേന്ദ്രങ്ങളിലേക്കുമായിരുന്നു യാത്ര. ചേർത്തല എഎസ്‌പി ഹാരീഷ് ജെയിൻ, പട്ടണക്കാട് സ്റ്റേഷൻ എസ്ഐ എസ് സുരേഷ്, ജനമൈത്രി ബീറ്റ് ഓഫീസർ എൻ ഡി പീറ്റർ, വി ശാന്തിമോൻ എന്നിവർ നേതൃത്വം നൽകി. Read on deshabhimani.com