സഹകരണ ജോയിന്റ് രജിസ്ട്രാർ ഓഫീസിലേക്ക് കെസിഇയു മാർച്ച്
കണ്ണൂർ വിവിധ ആവശ്യങ്ങളുന്നയിച്ച് സഹകരണ ജീവനക്കാർ കേരള കോ – ഓപ്പറേറ്റീവ് എംപ്ലോയീസ് യൂണിയൻ (സിഐടിയു) ജില്ലാ കമ്മിറ്റി നേതൃത്വത്തിൽ സഹകരണ ജോയിന്റ് രജിസ്ട്രാർ ഓഫീസിലേക്ക് മാർച്ച് നടത്തി. കേന്ദ്രസർക്കാരിന്റെ സഹകരണ വിരുദ്ധനയങ്ങൾ അവസാനിപ്പിക്കുക, സഹകരണ ജീവനക്കാരെ ദോഷകരമായി ബാധിക്കുന്ന ചട്ടം ഭേദഗതികൾ പിൻവലിക്കുക, ശമ്പള പരിഷ്കരണ കമ്മിറ്റികൾ രൂപീകരിക്കുക, ആരോഗ്യ ഇൻഷൂറൻസ് പദ്ധതിയാരംഭിക്കുക, കേന്ദ്രസർക്കാരിൽ സമർപ്പിച്ച നിവേദനങ്ങൾ അംഗീകരിക്കുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച്. സിഐടിയു ജില്ലാ സെക്രട്ടറി കെ അശോകൻ ഉദ്ഘാടനംചെയ്തു. ജില്ലാ പ്രസിഡന്റ് സി വിനോദ് അധ്യക്ഷനായി. സംസ്ഥാന സെക്രട്ടറി എം എം മനോഹരൻ, ടി തമ്പാൻ, കെ ദീപ എന്നിവർ സംസാരിച്ചു. Read on deshabhimani.com