പിണറായി, അഞ്ചരക്കണ്ടി ഏരിയാസമ്മേളനങ്ങൾക്ക്‌ ഇന്ന്‌ കൊടി ഉയരും പെരിങ്ങോം സമ്മേളനം ഇന്ന്‌ തുടങ്ങും
കണ്ണൂർ സിപിഐ എം പെരിങ്ങോം ഏരിയാ സമ്മേളനം വെള്ളിയാഴ്‌ച തുടങ്ങും. പ്രതിനിധി സമ്മേളനം രാവിലെ 9.30ന്‌ ചെറുപുഴയിലെ ‘കെ രാജൻ നഗറിൽ’ ജില്ലാ സെക്രട്ടറി എം വി ജയരാജൻ ഉദ്‌ഘാടനംചെയ്യും. 14 ലോക്കലുകളിൽനിന്ന്‌ തെരഞ്ഞെടുക്കപ്പെട്ട 150 പ്രതിനിധികളും 21 ഏരിയാകമ്മിറ്റി അംഗങ്ങളുമാണ് പങ്കെടുക്കുന്നത്. ശനി വൈകിട്ട് അഞ്ചിന് പൊതുസമ്മേളനം പഞ്ചായത്ത്‌ ഓഫീസിന്‌ സമീപത്തെ ‘കോടിയേരി ബാലകൃഷ്‌ണൻ നഗറിൽ’ എം വി ജയരാജൻ ഉദ്ഘാടനം ചെയ്യും. കാക്കയഞ്ചാൽ കേന്ദ്രീകരിച്ച് ചുവപ്പ്‌ വളന്റിയർ മാർച്ചും പ്രകടനവും നടക്കും. പിണറായി, അഞ്ചരക്കണ്ടി ഏരിയാ സമ്മേളനങ്ങൾ ശനിയാഴ്‌ച തുടങ്ങും. പിണറായി ഏരിയാ സമ്മേളനം മമ്പറം മൈലുള്ളിമെട്ട ‘കോച്ചങ്കണ്ടി രാഘവൻ നഗറിൽ ’കേന്ദ്രകമ്മിറ്റയംഗം ഇ പി ജയരാജനും അഞ്ചരക്കണ്ടി ഏരിയാ സമ്മേളനം ചക്കരക്കൽ ‘കെ ഭാസ്‌കരൻ നഗറിൽ’ സംസ്ഥാനകമ്മിറ്റിയംഗം വി ശിവദാസനും ഉദ്‌ഘാടനംചയ്യും. Read on deshabhimani.com