പൊലീസ് കായികമേള: പേരാവൂർ മേഖല ചാമ്പ്യന്മാർ
മാങ്ങാട്ടുപറമ്പ് കണ്ണൂർ റൂറൽ ജില്ലാ പൊലീസ് സംഘടിപ്പിച്ച മൂന്നാമത് കായികമേളയിൽ പേരാവൂർ മേഖല ചാമ്പ്യന്മാർ. മാങ്ങാട്ടുപറമ്പ് കെഎപി നാലാം ബറ്റാലിയൻ ഗ്രൗണ്ടിൽ നടന്ന കായിക മേളയിൽ115 പോയിന്റ്‌ നേടിയാണ് പേരാവൂർ സബ് ഡിവിഷൻ കിരീടം ചൂടിയത്. തുടർച്ചയായി രണ്ടാം വർഷമാണിത്‌. 88 പോയിന്റുള്ള ഇരിട്ടി സബ് ഡിവിഷൻ രണ്ടാം സ്ഥാനവും 72 പോയിന്റോടെ ഡിസ്ട്രിക്ട് ഹെഡ് ക്വാർട്ടേഴ്സ് മൂന്നാംസ്ഥാനവും നേടി. ഡിസ്ട്രിക്റ്റ് ഹെഡ്ക്വാർട്ടേഴ്സിലെ പി അനൂപ് വേഗതകൂടിയ പുരുഷ പൊലീസ് താരമായും ഇരിട്ടിയിലെ സൗമ്യ കുര്യൻ വേഗമേറിയ വനിതാതാരവുമായി ജില്ലാ ചീഫ് ഫോറസ്റ്റ് കൺസർവേറ്റർ പി ദീപ വിജയികൾക്ക് ട്രോഫികൾ നൽകി. ജില്ലാ പൊലീസ് മേധാവി അനൂജ് പലിവാൽ അധ്യക്ഷനായി. Read on deshabhimani.com