നിവേദിന്‌ ദേശീയ സ്‌കോളർഷിപ്പ്‌
തൃക്കരിപ്പൂർ കേന്ദ്ര സാംസ്കാരിക വകുപ്പിന്റെ ടാലന്റ്‌ റിസോഴ്സ് സ്കോളർഷിപ്പിന് തടിയൻകൊവ്വലിലെ കെ നിവേദ് അർഹനായി. ദേശീയതലത്തിൽ കലാരംഗത്ത് കഴിവ് തെളിയിച്ച കുട്ടികൾക്ക് നൽകുന്നതാണ്‌ ഈ സ്‌കോളർഷിപ്പ്‌. ഉദിനൂർ ഗവ. ഹയർ സെക്കൻഡറി സ്കൂളിലെ പത്താം തരം വിദ്യാർഥിയാണ്. തന്റെ ശില്പങ്ങളുടെ പ്രദർശനം കേരള ലളിതകലാ അക്കാദമിയുടെ പയ്യന്നൂർ ആർട്ട് ഗ്യാലറിയിൽ പ്രദർശിപ്പിക്കാനുള്ള ഒരുക്കത്തിലാണ് നിവേദ്. ചെമ്പ്രകാനം ശിൽപ കലാ അക്കാദമിയിൽനിന്നാണ് പരിശീലനം നേടിയത്. മാവിലാക്കടപ്പുറം ഗവ. എൽപി സ്കൂൾ അധ്യാപകൻ പ്രദീപിന്റെയും അജാനൂർ ഗവ. ഫിഷറീസ് യുപി സ്കൂൾ അധ്യാപിക സജിതയുടെയും മകനാണ് നിവേദ്. Read on deshabhimani.com