ചെണ്ടുമല്ലി പൂക്കും സാന്ത്വനം പകരാൻ
കായംകുളം ഓണപ്പൂക്കളം തീർക്കാൻ ചെണ്ടുമല്ലി കൃഷിയുമായി എൻഎസ്എസ് വളണ്ടിയർമാർ. "ഓണത്തിന് ഒരു വട്ടിപ്പൂ' എന്ന ലക്ഷ്യത്തോടെ കൃഷ്ണപുരം ജിവിഎച്ച്എസ്എസ് വിഎച്ച്എസ്ഇ എൻഎസ്എസ് വിദ്യാർഥികളുടേതാണ്‌ പൂകൃഷി. സ്‌കൂളിലെ എല്ലാ വിഭാഗത്തിലും ഓണത്തിന് പൂക്കൾ വിതരണംചെയ്യും. ഇതിലൂടെ ലഭിക്കുന്ന തുക പാലിയേറ്റീവ് കെയർ പ്രവർത്തനങ്ങൾക്ക്‌ ഉപയോഗിക്കും. കായംകുളം ട്രാഫിക് എസ്ഐ ആനന്ദകുമാർ ഉദ്ഘാടനംചെയ്‌തു. കൗൺസിലർ ബിനു അശോക് ബന്ദിത്തൈ വിതരണംചെയ്‌തു. കെ ഹരികുമാർ തൈ നട്ടു. പിടിഎ വൈസ്‌പ്രസിഡന്റ്‌ ഉദയഭാനു അധ്യക്ഷനായി. പ്രിൻസിപ്പൽ കെ വിനോദ്കുമാർ, എൻഎസ്എസ് പ്രോഗ്രാം ഓഫീസർ കെ ഷീജാമോൾ എന്നിവർ സംസാരിച്ചു. Read on deshabhimani.com