അസംഘടിത തൊഴിലാളികളുടെ കലക്ടറേറ്റ്‌ മാർച്ച്
ഡിസ്ട്രിക്ട്‌ ജനറൽ വർക്കേഴ്സ് യൂണിയൻ നേതൃത്വത്തിൽ കലക്ടറേറ്റിലേക്ക് മാർച്ചും ധർണയും നടത്തി. പ്രസവകാല ആനുകൂല്യങ്ങൾ കൈപ്പറ്റാൻ കുഞ്ഞിനെ കൊണ്ടുവരുന്നത് ഒഴിവാക്കുക, പെൻഷൻ 3,000 രൂപയാക്കി വർധിപ്പിക്കുക, മരണാനന്തര സഹായത്തിനും മാരകരോഗ ചികിത്സയ്ക്കും 25,000 രൂപ ആനുകൂല്യം നൽകുക, പുരുഷ തൊഴിലാളികളായ അംഗങ്ങൾക്ക് വിവാഹധനസഹായം അനുവദിക്കുക, ക്ഷേമനിധി ഓഫീസ് പ്രവർത്തനം കാര്യക്ഷമമാക്കുക എന്നീ ആവശ്യങ്ങൾ ഉന്നയിച്ചായിരുന്നു മാർച്ച്. സിഐടിയു ജില്ലാ ജനറൽ സെക്രട്ടറി കെ മനോഹരൻ ഉദ്ഘാടനംചെയ്തു. കെ കരുണാകരൻ അധ്യക്ഷനായി. യൂണിയൻ ജില്ലാ സെക്രട്ടറി കെ കെ നാരായണൻ, പി അബ്ദുൽറഷീദ്, കെ കെ കുഞ്ഞിക്കണ്ണൻ എന്നിവർ സംസാരിച്ചു. Read on deshabhimani.com