ബധിര അസോ. രജതജൂബിലി തുടങ്ങി
കാഞ്ഞങ്ങാട്‌ കേൾവി, സംസാര പരിമിതരുടെ സംഘടനയായ ജില്ലാ ബധിര അസോസിയേഷൻ രജത ജൂബിലി ആഘോഷത്തിന് പടന്നക്കാട്ട് തുടക്കമായി. നഗരസഭാ ചെയർപേഴ്‌സൺ കെ വി സുജാത ഉദ്ഘാടനം ചെയ്തു. ഹൊസ്ദുർഗ്‌ സിഐ എ ശ്രീജിത് മുഖ്യാതിഥിയായി. സി എച്ച് ഷക്കീർ അധ്യക്ഷനായി. സംസ്ഥാന അധ്യാപക അവാർഡ് ജേതാവ് കെ ടി ജോഷിമോനെയും എസ്‌എസ്‌എൽസി പരീക്ഷാ വിജയികളെയും ആദരിച്ചു. ബധിര വിദ്യാർഥിയുടെ ഭവന നിർമാണത്തിലേക്കുള്ള സംഭാവനയും കൈമാറി. എ സി മുഹമ്മദ് റഷാദ് റിപ്പോർട്ടർ അവതരിപ്പിച്ചു. ഫാ. മാത്യു ബേബി, സിസ്റ്റർ കെ ടി സോഫിയമ്മ, ഫാ. പ്രിയേഷ് കളരിമുറിക്കൽ, ഫാ. മാത്യു ഇളംതുരുത്തി പടവിൽ, ഡേവിഡ് ബാബു, രാജീവ് കുമാർ, ടി പവിത്രൻ, പി വി ധന്യ, എ എം അബ്ദുറഹ്മാൻ, ഷീബ പവിത്രൻ എന്നിവർ സംസാരിച്ചു. കെ ടി ജോഷിമോൻ സ്വാഗതവും ഷനിൽ കുമാർ നന്ദിയും പറഞ്ഞു. ഞായറാഴ്ച അസോസിയേഷൻ സംസ്ഥാന സെക്രട്ടറി അഷ്റഫ് കുന്നത്ത് ബദിര ദിനാചരണം ഉദ്ഘാടനംചെയ്യും. Read on deshabhimani.com