ദീപപ്രഭയിൽ വലിയവിളക്ക് തുറവൂരിൽ ആറാട്ട് ഇന്ന്
തുറവൂർ തുറവൂർ ക്ഷേത്രത്തിൽ ദീപാവലി വലിയവിളക്ക് ദർശിക്കാൻ പതിനായിരങ്ങളെത്തി. വ്യാഴം രാവിലെ ശ്രീബലിക്ക് 12 ആനകൾ അണിനിരന്നു. കാളഹസ്‌തി കെ ദുർഗാപ്രസാദ്, കെ വെങ്കിടേശ്വർലു എന്നിവരുടെ നാഗസ്വരത്തിനുശേഷം പെരുവനം കുട്ടൻമാരാരുടെ പ്രമാണത്തിൽ നൂറിൽപ്പരം കലാകാരൻമാർ അണിനിരന്ന മേജർസെറ്റ് പഞ്ചാരിമേളം അരങ്ങേറി. പകൽ 12-ന് മരുത്തോർവട്ടം കണ്ണൻ ഓട്ടൻതുള്ളൽ അവതരിപ്പിച്ചു. ആനയൂട്ടിനുശേഷം ചെങ്കോട്ട ഹരിഹരസുബ്രഹ്മണ്യത്തിന്റെ സംഗീതക്കച്ചേരി. ദീപപ്രഭയിൽ മുങ്ങിയ ക്ഷേത്രത്തിൽ പുലർച്ചെ 1.30നായിരുന്നു ദർശന പ്രധാനമായ ദീപാവലി വലിയവിളക്ക്. തിരുവാറാട്ട് ദിവസമായ വെള്ളി രാവിലെ എട്ടിന് ഗരുഢ വാഹനപ്പുറത്തെഴുന്നള്ളത്ത്. രാവിലെ 10നാണ് ആറാട്ട്. 12.30-ന് നൃത്തനൃത്യങ്ങൾ. 3.30-ന് കൊടിയിറങ്ങുന്നതോടെ ഉത്സവം സമാപിക്കും. Read on deshabhimani.com