പൊലീസ് ജീപ്പ് തകർത്തയാൾ അറസ്റ്റിൽ
ആലപ്പുഴ ബൈക്കിലെത്തി പൊലീസ് ജീപ്പിന്റെ ചില്ല് അടിച്ചുതകർത്ത സംഭവത്തിൽ ഒരാൾ അറസ്റ്റിൽ. ആലപ്പുഴ തോണ്ടൻകുളങ്ങര ഐക്യനാട് ശ്യാമിനെയാണ് (36) നോർത്ത് പൊലീസ് അറസ്റ്റു ചെയ്തത്. സക്കറിയ ബസാറിലെ ചികിത്സകേന്ദ്രത്തിൽനിന്ന് പീഡനക്കേസിൽ പ്രതിയുടെ വിരലടയാളം രേഖപ്പെടുത്താൻ സ്റ്റേഷനിലേക്ക് പോകുംവഴിയായിരുന്നു ആക്രമണം. ശവക്കോട്ടപ്പാലത്തിന് സമീപമെത്തിയപ്പോൾ ബൈക്കിൽ പിന്തുടർന്ന് എത്തിയ രണ്ടംഗസംഘം വടികൊണ്ട് പൊലീസ് ജീപ്പിന്റെ ചില്ല് അടിച്ചുതകർത്തു. ചില്ല് തെറിച്ചുവീണ് പരിക്കേറ്റ ജീപ്പ് ഡ്രൈവർ സിപിഒ രാജീവ് മോഹൻ, സിപിഒ ടി എസ് സുധീഷ് എന്നിവർ ജനറൽ ആശുപത്രിയിൽ ചികിത്സതേടിയിരുന്നു. ഇതിന് പിന്നാലെ നടത്തിയ അന്വേഷണത്തിലാണ് പ്രതിയെ പിടികൂടിയത്. ഒപ്പമുണ്ടായിരുന്ന പുന്നപ്ര സ്വദേശിയായ യുവാവിനെക്കുറിച്ചും പൊലീസിന് വിവരം ലഭിച്ചിട്ടുണ്ട്. Read on deshabhimani.com