ശുചിത്വ പ്രതിജ്ഞയെടുത്ത് വിദ്യാർഥികൾ
ആലപ്പുഴ മാലിന്യമുക്തം നവകേരളം ജനകീയ കാമ്പയിന്റെ ഭാഗമായി ആലപ്പുഴ അസംബ്ലി മണ്ഡലത്തിലെ മുഴുവന്‍ സ്‌കൂളുകളിലും ശുചിത്വ അസംബ്ലിയിൽ ശുചിത്വ പ്രതിജ്ഞയെടുത്ത് കുട്ടികൾ. കലവൂര്‍ ഗവ. എച്ച്എസിലെ അസംബ്ലിയില്‍ പങ്കെടുത്ത് പി പി ചിത്തരഞ്ജൻ എംഎൽഎ പ്രതിജ്ഞാവാചകം ചൊല്ലിക്കൊടുത്തു. കലക്‌ടര്‍ അലക്‌സ്‌ വര്‍ഗീസ്‌ സെന്റ് ജോസഫ് എച്ച്എസ് ആലപ്പുഴയിലും ജില്ലാ പഞ്ചായത്ത് പ്രസിഡന്റ്‌ കെ ജി രാജേശ്വരി മേരി ഇമ്മാക്കുലേറ്റ് പൂങ്കാവിലും പ്രതിജ്ഞ ചൊല്ലിക്കൊടുത്തു നഗരസഭ സ്ഥിരംസമിതി അധ്യക്ഷ എ എസ് കവിത ഗവ. എച്ച് എസ് ആര്യാട്, ബ്ലോക്ക് പഞ്ചായത്ത് പ്രസിഡന്റ്‌ വി ജി മോഹനന്‍, വിഎന്‍എസ്എസ് കണിച്ചുകുളങ്ങര, ആര്യാട് പഞ്ചായത്ത് പ്രസിഡന്റ്‌ സന്തോഷ് ലാല്‍ ലൂഥറന്‍ എച്ച്എസ് ആര്യാട്, മണ്ണഞ്ചേരി പഞ്ചായത്ത് പ്രസിഡന്റ്‌ ടി വി അജിത്ത്കുമാര്‍ - വളവനാട് പിജെഎല്‍പിഎസ്, മാരാരിക്കുളം തെക്ക് പഞ്ചായത്ത് പ്രസിഡന്റ്‌ പി പി സംഗീത- ഗവ. എച്ച്എസ് പൊള്ളേത്തൈ, മാരാരിക്കുളം വടക്ക് പഞ്ചായത്ത് പ്രസിഡന്റ്‌ സുദര്‍ശനാഭായി- എസ്എന്‍ ട്രസ്‌റ്റ്‌ എച്ച്എസ്, ജില്ലാ പഞ്ചായത്തംഗം ആര്‍ റിയാസ്- മണ്ണഞ്ചേരി ഗവ. എച്ച്എസ്, നഗരസഭാ ഉപാധ്യക്ഷൻ പി എസ് എം ഹുസൈന്‍- ലിയോ തേര്‍ട്ടീന്ത് എച്ച്എസ് ആലപ്പുഴ, സ്ഥിരംസമിതി അധ്യക്ഷരായ എം ആര്‍ പ്രേം എസ്ഡിവി ഗേള്‍സ് എച്ച്എസ്, ആര്‍ വിനീത സെന്റ് മൈക്കിള്‍സ് എച്ച്എസ് തത്തംപള്ളി എന്നിവിടങ്ങളിലും പ്രതിജ്ഞ ചൊല്ലിക്കൊടുത്തു. Read on deshabhimani.com