ജനറൽ ആശുപത്രിയിൽ ‘ഒരു പുസ്തക ചലഞ്ച്’
ആലപ്പുഴ കേരളപ്പിറവി ദിനത്തിൽ ‘ഒരു പുസ്തക' ചലഞ്ചുമായി ജനറൽ ആശുപത്രി ജീവനക്കാർ. സൂപ്രണ്ട് ഡോ. ആർ സന്ധ്യയുടെ നേതൃത്വത്തിലാണ് ജീവനക്കാർ ചലഞ്ച് സംഘടിപ്പിച്ചത്. ആശുപത്രിയിലെ ഓപ്പൺ ലൈബ്രറിയിലേക്കാണ്‌ പുസ്തക ചലഞ്ച്. നൂറുകണക്കിന് പുസ്തകങ്ങൾ ജീവനക്കാർ സംഭാവനയായി നൽകി. ഇതോടനുബന്ധിച്ചു നടത്തിയ ഭരണ വാരാഘോഷ സമ്മേളനത്തിൽ സൂപ്രണ്ട് ഡോ. ആർ സന്ധ്യ പുസ്തകങ്ങൾ ഏറ്റുവാങ്ങി. ആർഎംഒ ഡോ. എം ആഷ അധ്യക്ഷയായി. ഡോ. സി പി പ്രിയദർശൻ, എം എസ് പ്രിയലാൽ , ജോൺസൺ നൊറോണ തുടങ്ങിയവർ സംസാരിച്ചു. ടി എസ് പീറ്റർ , എൽ ശ്രീലത , പ്രകാശ് മുഹമ്മ , ബെന്നി അലോഷ്യസ്, ഇന്ദുലേഖ, എസ് പി സബിത എന്നിവർ കവിത അവതരിപ്പിച്ചു. Read on deshabhimani.com