എസ്എഫ്ഐ ജില്ലാ സമ്മേളനത്തിന് ഇന്ന് തുടക്കം
മുഹമ്മ എസ്എഫ്ഐ ജില്ലാ സമ്മേളനത്തിന് ശനിയാഴ്‌ച മുഹമ്മ അഭിമന്യു നഗറിൽ (ആര്യക്കര ഗൗരിനന്ദനം ഓഡിറ്റോറിയം) തുടക്കമാകും. രാവിലെ 10ന് അഖിലേന്ത്യാ വൈസ്‌പ്രസിഡന്റ് ഡോ. നിതീഷ് നാരായൺ ഉദ്ഘാടനംചെയ്യും. ജില്ലാ പ്രസിഡന്റ് ജെഫിൻ സെബാസ്‌റ്റ്യൻ അധ്യക്ഷനാകും. സെക്രട്ടറി എം ശിവപ്രസാദ് പ്രവർത്തന റിപ്പോർട്ടും സംസ്ഥാന പ്രസിഡന്റ് കെ അനുശ്രീ സംഘടനാ റിപ്പോർട്ടും അവതരിപ്പിക്കും. സംസ്ഥാന സെക്രട്ടറി പി എം ആർഷോ, കേന്ദ്രകമ്മിറ്റി അംഗങ്ങളായ എ എ അക്ഷയ്, ഹസൻ മുബാറഖ്, ജി ടി അഞ്‌ജുകൃഷ്‌ണ, വി വിചിത്ര, എസ്എഫ്ഐ മുൻ ജില്ലാ സെക്രട്ടറിമാരായ സജി ചെറിയാൻ, ആർ നാസർ എന്നിവർ സമ്മേളനത്തിൽ പങ്കെടുക്കും. ഞായറാഴ്‌ച ജില്ലാ കമ്മിറ്റിയെ തെരഞ്ഞെടുത്ത് സമ്മേളനം സമാപിക്കും. Read on deshabhimani.com