സിപിഐ എം നേതാവിന്റെ വീടിനുനേരെ സമൂഹവിരുദ്ധരുടെ ആക്രമണം
കായംകുളം സിപിഐ എം നേതാവിന്റെ വീടിന് നേരെ സമൂഹവിരുദ്ധരുടെ ആക്രമണം. ജനൽ കല്ലെറിഞ്ഞ് തകർത്തു. സിപിഐ എം നേതാവും കർഷകസംഘം ഏരിയ കമ്മിറ്റി അംഗവുമായ രാമപുരം തെക്ക് രേവതിയിൽ കെ സോമൻപിള്ളയുടെ വീടിന് നേരെയാണ് ആക്രമണം. സോമൻപിള്ള മകളുടെ മുതുകുളത്തെ വീട്ടിൽ താമസിക്കുന്നതിനാൽ സോമൻപിള്ളയുടെ വീട്‌ ഒഴിഞ്ഞുകിടക്കുകയാണ്‌. വെള്ളിയാഴ്‌ച എത്തിയപ്പോഴാണ്‌ ജനലുകൾ തകർത്ത നിലയിൽ കണ്ടത്‌. കരീലകുളങ്ങര പൊലീസ്‌ അന്വേഷണം ആരംഭിച്ചു. Read on deshabhimani.com