സഞ്‌ജയ്‌ സുരേഷിനെ അനുമോദിച്ചു
ചേർത്തല സംസ്ഥാന സ്‌കൂൾ കായികമേളയിലെ ഇൻക്ലൂസീവ് സ്പോർട്സ് മീറ്റിൽ ജില്ലയെ പ്രതിനിധീകരിച്ച് 100 മീറ്റർ ഓട്ടത്തിൽ മൂന്നാംസ്ഥാനം നേടിയ പെരുമ്പളം സ്വദേശി സഞ്‌ജയ്‌ സുരേഷിനെ അനുമോദിച്ചു. പെരുമ്പളം ഗവ. എച്ച്‌എസ്‌എസ്‌ എട്ടാംക്ലാസ് വിദ്യാർഥിയും ആറ-ാംവാർഡ്‌ കിടങ്ങാട്ടുചിറ അഞ്‌ജുവിന്റെ മകനുമാണ്‌. അരൂർ സെന്റ്‌ അഗസ്‌റ്റിൻ സ്‌കൂൾ വിദ്യാർഥി ആദിദേവാണ്‌ ഗൈഡ്‌. പരിമിതികളെ അതിജീവിച്ച്‌ തിളക്കമാർന്ന നേട്ടംകൊയ്‌ത സഞ്‌ജയിനെ പഞ്ചായത്ത്‌ പ്രസിഡന്റ്‌ വി വി ആശ സ്‌കൂളിലെത്തിയാണ്‌ അനുമോദിച്ചത്‌. സ്ഥിരംസമിതി അധ്യക്ഷ സരിത സുജി, അംഗം യു വി ഉമേഷ്‌, സ്‌കൂൾ പ്രിൻസിപ്പൽ സന്തോഷ്‌ സാഗർ, പ്രഥമാധ്യാപിക ഉമാലക്ഷ്‌മി, സ്‌റ്റാഫ്‌ സെക്രട്ടറി പി പി ബിജു, അധ്യാപകരായ രേഖ, മഹേഷ്‌ എന്നിവർ പങ്കെടുത്തു. Read on deshabhimani.com