ജില്ലാ പഞ്ചഗുസ്തി ചാമ്പ്യൻഷിപ് തുടങ്ങി
ആലപ്പുഴ ആം റസ്‌ലിങ്‌ അസോസിയേഷൻ ജില്ല കമ്മിറ്റി സംഘടിപ്പിക്കുന്ന 28- –-ാമത് ജില്ലാ പഞ്ചഗുസ്തി ചാമ്പ്യൻഷിപ് ആലപ്പുഴ മുനിസിപ്പൽ ചെയർപേഴ്സൺ കെ കെ ജയമ്മ ഉദ്ഘാടനം ചെയ്തു. ആം റസ്‌ലിങ്‌ അസോസിയേഷൻ ജില്ലാ പ്രസിഡന്റ് കെ എസ് അഷ്റഫ് അധ്യക്ഷനായി. ഡിവൈഎസ്‌പി എം ആർ മധുബാബു മുഖ്യപ്രഭാഷണം നടത്തി. അസോസിയേഷൻ ജനറൽ സെക്രട്ടറി സലീഷ് കുമാർ, മുനിസിപ്പൽ കൗൺസിലർ സിമി ഷാഫി ഖാൻ, സ്‌പോർട്സ് കൗൺസിൽ ഒബ്സർവർ കുര്യൻ ജെയിംസ്, ജില്ലാ ഭാരവാഹികളായ ടി എൻ വിജയപ്പൻ, എസ് ജയൻ, റമീസ് കാസിം എന്നിവർ സംസാരിച്ചു. 300ലധികം പേർ മത്സരത്തിൽ പങ്കെടുക്കും. Read on deshabhimani.com