പാട്ടുകളം സ്കൂളിൽ കുട്ടിത്തോട്ടം പദ്ധതി തുടങ്ങി
പാതിരപ്പള്ളി പാതിരപ്പള്ളി സർവീസ് സഹകരണ ബാങ്കിന്റെ നേതൃത്വത്തിൽ നടപ്പിലാക്കിവരുന്ന നാട്ടുപച്ച ജനകീയ കാർഷിക പദ്ധതിയുടെ ഭാഗമായി സ്കൂളുകളിൽ കുട്ടി കൃഷിത്തോട്ടം ജൈവ പച്ചക്കറി കൃഷി ആരംഭിച്ചു . പുതു തലമുറയെ കൃഷിയോട് അടുപ്പിക്കുന്നതിനും സ്കൂളുകളിൽ അവശ്യം വേണ്ട പച്ചക്കറികൾ ഉത്പ്പാദിപ്പിക്കുന്നതിനും ഈ പദ്ധതിയിലൂടെ ലക്ഷ്യം വയ്ക്കുന്നു. പാട്ടുകളം സ്കൂളിൽ പി പി ചിത്തരഞ്ജൻ എംഎൽഎ പച്ചക്കറി തൈ നട്ട് പദ്ധതി ഉദ്ഘാടനംചെയ്‌തു. ബാങ്ക് പ്രസിഡന്റ്‌ വി സി ശ്രീജിത്ത്‌ അധ്യക്ഷനായി.സ്കൂൾ മാനേജർ കെ സദാശിവൻ, പ്രഥമാധ്യാപകൻ ബിജു, പി ടി എ പ്രസിഡന്റ്‌ അനറ്റ് സെബാസ്റ്റ്യൻ, വിഷ്ണു നമ്പൂതിരി, സി കെ മുരളി, വി പി ഹരീഷ്, തുടങ്ങിയവർ സംസാരിച്ചു. Read on deshabhimani.com