നബിദിന സമ്മേളനവും പെൻഷൻ പദ്ധതി ഉദ്ഘാടനവും
ആലപ്പുഴ കുത്തിയതോട് മുസ്ലിം ജമാഅത്ത് മഹല്ല് പരിപാലന സമിതി നബിദിന സമ്മേളനം നടത്തി. മഹൽ ചീഫ് ഇമാം മുഹമ്മദ് മീരാൻ ഐതമി അമ്പലപ്പുഴ പെൻഷൻ പദ്ധതിയും സമ്മേളനവും ഉദ്ഘാടനംചെയ്‌തു. മഹൽ പ്രസിഡന്റ് എം കെ സുബൈർ അധ്യക്ഷനായി. മഹൽ ഖത്തീബ് മൗലവി കുഞ്ഞുമൊയ്‌തീൻ ഹാജി ചന്തിരൂർ മുഖ്യപ്രഭാഷണം നടത്തി. വിദ്യാർഥികളുടെ മദ്രസ ഫെസ്‌റ്റിൽ സബ് ജൂനിയർ വിഭാഗത്തിൽ ഏറ്റവും കൂടുതൽ പോയിന്റ് ലഭിച്ച നസ്രിയ നാസർ, ജൂനിയർ വിഭാഗത്തിൽ ഫിഫ ഷാജി, സീനിയർ വിഭാഗത്തിൽ ഐഷാ റിഹാസ്‌ എന്നിവരെ സെക്രട്ടറി പി കെ അബ്‌ദുൽ ജലീൽ അനുമോദിച്ചു. ദാറുൽ ഉലൂം മദ്രസ സ്വദർ മുഅല്ലിം കെ ബഷീർ മൗലവി, ചേർത്തല താലൂക്ക്‌ ജമാഅത്ത് കൗൺസിൽ പ്രസിഡന്റ് വി കെ സിറാജുദ്ദീൻ ഹാജി, നജീബ് മുസ്ലിയാർ കണ്ണൂർ, ജോയിന്റ്‌ സെക്രട്ടറി കെ ഇ ഷാജി, ട്രഷറർ കെ കെ ഷമീർ എന്നിവർ സംസാരിച്ചു. Read on deshabhimani.com