ആർ കൃഷ്‌ണപിള്ളയെ അനുസ്‌മരിച്ചു
മാവേലിക്കര അവിഭക്ത കമ്യൂണിസ്‌റ്റ്‌ പാര്‍ടിയുടെ നൂറനാട് പാലമേല്‍ ലോക്കല്‍ കമ്മിറ്റിയംഗം, കെജിപിടിഎ നേതാവ് എന്നീ നിലകളില്‍ പ്രവര്‍ത്തിച്ച ആര്‍ കൃഷ്‌ണപിള്ളയുടെ രണ്ടാം ചരമവാര്‍ഷികം തെക്കേക്കര വാത്തികുളത്ത് നടന്നു. കാവിനാല്‍ (കൃഷ്‌ണഭവനം) വീട്ടില്‍ പുഷ്‌പാർച്ചനയ്‌ക്കുശേഷം നടന്ന അനുസ്‌മരണയോഗം സിപിഐ എം ജില്ലാ സെക്രട്ടറിയറ്റ് അംഗം ജി ഹരിശങ്കർ ഉദ്ഘാടനംചെയ്‌തു. കെ രാജേന്ദ്രൻ അധ്യക്ഷനായി. ജില്ലാ കമ്മിറ്റിയംഗം കെ മധുസൂദനൻ, എം എസ് അരുൺകുമാർ എംഎൽഎ, അഡ്വ. ജി അജയകുമാർ, പി അജിത്ത് എന്നിവർ പങ്കെടുത്തു. ആർ അജയൻ സ്വാഗതം പറഞ്ഞു. Read on deshabhimani.com