സ്‌കൂളുകളിൽ ഫലവൃക്ഷത്തൈകൾ നൽകി
കായംകുളം കായംകുളം റോട്ടറി ക്ലബ് പരിസ്ഥിതിസൗഹൃദ പദ്ധതിയുടെ ഭാഗമായി സ്‌കൂളുകളിൽ ഫലവൃക്ഷത്തൈകൾ വിതരണംചെയ്‌തു. പേര, ചാമ്പ, റമ്പൂട്ടാനടക്കമാണ്‌ നട്ടുവളർത്തുന്നത്. പത്തിയൂർ പഞ്ചായത്ത് ഗവ. ഹൈസ്‌കൂളിൽ വൃക്ഷത്തൈ നടീൽ റോട്ടറി ഡിസ്ട്രിക്‌ട്‌ ഗവർണർ സുധി ജബ്ബാർ ഉദ്ഘാടനംചെയ്‌തു. റോട്ടറി ക്ലബ് പ്രസിഡന്റ്‌ ഡോ. എബി ജോസ് ജോർജ് അധ്യക്ഷനായി. അസി. ഗവർണർ അനു ടി ചെറിയാൻ, ക്ലബ് സെക്രട്ടറി ഡോ. സുധീർ രവീന്ദ്രൻ, ജഗദീഷ്‌കുമാർ, സാജൻ ഫിലിപ്പ്, എസ്എംസി ചെയർമാൻ ജി ഹരികുമാർ, വൈസ്ചെയർമാൻ വിശ്വലാൽ, സീനിയർ അസിസ്‌റ്റന്റ്‌ ബീന, മുൻ പ്രധാനാധ്യാപിക അനിതാകുമാരി തുടങ്ങിയവർ പങ്കെടുത്തു. ആറാട്ടുകുളങ്ങര എൽപി സ്‌കൂളിൽ റോട്ടറി ഡിസ്ട്രിക്‌ട്‌ ഗവർണർ സുധി ജബ്ബാർ ഫലവൃക്ഷത്തെകൾ നട്ടു. റോട്ടറി ക്ലബ് പ്രസിഡന്റ്‌ ഡോ. എബി ജോസ് ജോർജ് അധ്യക്ഷനായി. അസി. ഗവർണർ അനു ടി ചെറിയാൻ, ക്ലബ് സെക്രട്ടറി ഡോ. സുധീർ രവീന്ദ്രൻ, ജഗദീഷ്‌കുമാർ, സാജൻ ഫിലിപ്പ്, പ്രധാനാധ്യാപിക എസ് ശ്രീജ ഹരികുമാർ, അധ്യാപിക സൂര്യ എന്നിവർ പങ്കെടുത്തു. Read on deshabhimani.com