വിദേശത്തുനിന്ന് 6 പേർ; ഡൽഹിയിൽനിന്ന് 92
ആലപ്പുഴ വിദേശത്തുനിന്ന് ആലപ്പുഴക്കാരായ ആറുപേരും ന്യൂഡൽഹിയിൽ നിന്ന് 92 പേരും ചൊവ്വാഴ്‌ച ജില്ലയിലെത്തി. മെൽബൺ–-കൊച്ചി വിമാനത്തിൽ ചൊവ്വാഴ്‌ച നെടുമ്പാശേരിയിൽ ഇറങ്ങിയവരെ അമ്പലപ്പുഴ താലൂക്കിലെ കോവിഡ് കെയർ സെന്ററില്‍ പ്രവേശിപ്പിച്ചു. മൂന്നുവീതം പുരുഷന്മാരും സ്‌ത്രീകളുമുണ്ട്. ന്യൂഡൽഹിയിൽനിന്ന് ട്രെയിനില്‍ എറണാകുളത്തെത്തിയ 75 പേരെ കെഎസ്ആർടിസിയില്‍ ജില്ലയിലെത്തിച്ചു. 74 പേരെ ഗ‌ൃഹനിരീക്ഷണത്തിലാക്കി. ഒരാളെ കോവിഡ് സെന്ററില്‍ പ്രവേശിപ്പിച്ചു. തിരുവനന്തപുരം റെയിൽവേ സ്‌റ്റേഷനിൽ ഇറങ്ങിയ 17 പേരെ കെഎസ്ആർടിസി ബസിൽ കായംകുളത്ത് എത്തിച്ചു. 16 പേരെ ഗ‌ൃഹനിരീക്ഷണത്തിലാക്കി. ഒരാളെ കോവിഡ് സെന്ററിലാക്കി. Read on deshabhimani.com