രക്തസാക്ഷി കെ കെ സുരേഷ്‌കുമാറിനെ അനുസ്‌മരിച്ചു
ചാരുംമൂട് യുഡിഎഫ് സർക്കാരിന്റെ അന്യായ വൈദ്യുതി ചാർജ് വർധനക്കെതിരെ ഡിവൈഎഫ്ഐ സംഘടിപ്പിച്ച മാർച്ചിന് നേരേ പൊലീസ് നടത്തിയ നരനായാട്ടിൽ ഗുരുതരപരിക്കേറ്റ്‌ രക്തസാക്ഷിയായ ഏരിയ കമ്മിറ്റിയംഗം കെ കെ സുരേഷ്‌കുമാറിനെ അനുസ്‌മരിച്ചു. ചുനക്കര ചന്തയിൽ സിപിഐ എം ജില്ലാ സെക്രട്ടറിയറ്റംഗം കെ പ്രസാദ് ഉദ്ഘാടനംചെയ്തു. ജി രാജമ്മ അധ്യക്ഷയായി. ഏരിയ സെക്രട്ടറി ബി ബിനു, ആർ ബിനു, പി മധു, സുരേഷ് പുലരി, ആർ റിനീഷ്, പി കെ വാസു എന്നിവർ സംസാരിച്ചു. കിടങ്ങിൽ ജങ്ഷനിൽനിന്ന്‌ അനുസ്മരണ റാലി നടന്നു. രാവിലെ രക്തസാക്ഷി മണ്ഡപത്തിൽ നടന്ന പുഷ്‌പാർച്ചനയിൽ കെ രാഘവൻ, ജി രാജമ്മ, ബി ബിനു, കെ ആർ അനിൽകുമാർ എന്നിവർ പങ്കെടുത്തു. Read on deshabhimani.com