ആൾത്താമസമില്ലാത്ത വീട്ടിൽനിന്ന് 18 കിലോ കഞ്ചാവ് പിടിച്ചു
മാവേലിക്കര കറ്റാനം ഇലിപ്പക്കുളത്ത് വൻ കഞ്ചാവ് വേട്ട. മാവേലിക്കര,ആലപ്പുഴ എക്സൈസ് സംഘങ്ങൾ ചേർന്ന്‌ നടത്തിയ പരിശോധനയിൽ ആൾത്താമസമില്ലാത്ത വീട്ടിൽനിന്ന് 18 കിലോയോളം കഞ്ചാവ് പിടിച്ചു. പ്രതിയെക്കുറിച്ച്‌ അന്വേഷണം തുടങ്ങി. രഹസ്യവിവരത്തിന്റ അടിസ്ഥാനത്തിൽ സ്ഥലം എക്‌സൈസിന്റെ നിരീക്ഷണത്തിലായിരുന്നു. മാവേലിക്കര എക്സൈസ് റേഞ്ച് ഇൻസ്‌പെക്‌ടർ പി എസ് കൃഷ്‌ണരാജ്, അസി. എക്സൈസ് ഇൻസ്‌പെക്‌ടർ വി രമേശൻ, അബ്‌ദുൽ ഷുക്കൂർ, പ്രിവന്റീവ് ഓഫീസർ പി ആർ ബിനോയ്, സിവിൽ എക്സൈസ് ഓഫീസർ അർജുൻ സുരേഷ്, വനിത സിവിൽ എക്സൈസ് ഓഫീസർ നിമ്മി കൃഷ്‌ണൻ എന്നിവർ സംഘത്തിലുണ്ടായി. Read on deshabhimani.com