കുട്ടികളുടെ കൃഷിയിടത്തിൽ വിളവെടുപ്പ്‌
ചേർത്തല പെരുമ്പളം പഞ്ചായത്തും കൃഷിഭവനും സഹകരിച്ച്‌ ഗവ. ഹയർസെക്കൻഡറി സ്‌കൂളിൽ ഒരുക്കിയ കുട്ടികളുടെ കൃഷിത്തോട്ടത്തിലെ വിളവെടുപ്പ്‌ പഞ്ചായത്ത്‌ പ്രസിഡന്റ്‌ അഡ്വ. വി വി ആശ ഉദ്‌ഘാടനംചെയ്‌തു. ബ്ലോക്ക്‌ പഞ്ചായത്തംഗം ശോഭന, പഞ്ചായത്തംഗങ്ങളായ വി യു ഉമേഷ്‌, ഷൈലജ ശശികുമാർ, കൃഷി ഓഫീസർ വർഷ ബാബു, പാണാവള്ളി കൃഷി അസി. ഡയറക്‌ടർ ജി വി റെജി, പ്രിൻസിപ്പൽ സന്തോഷ്‌ സാഗർ, പ്രഥമാധ്യാപിക ഉമാലക്ഷ്‌മി, പി പി ബിജു, ജയലക്ഷ്‌മി, ഡോ. അനിതകുമാരി എന്നിവർ സംസാരിച്ചു. പിടിഎ പ്രസിഡന്റ്‌ സിജി സിങ്‌ അധ്യക്ഷനായി. വിളവെടുത്ത പച്ചക്കറി സ്‌കൂൾകലവറയ്‌ക്ക്‌ കൈമാറി. Read on deshabhimani.com