ഫാക്ട് കരാർ തൊഴിലാളികൾ സമരത്തിലേക്ക്‌
കളമശേരി ഫാക്ട് മാനേജ്മെന്റിന്റെ തൊഴിലാളിദ്രോഹ നടപടികളിൽ പ്രതിഷേധിച്ച് കരാർ തൊഴിലാളികൾ സംയുക്ത ട്രേഡ് യൂണിയൻ സമിതിയുടെ നേതൃത്വത്തിൽ പണിമുടക്കിലേക്ക്. തൊഴിലാളികളുമായി ഫാക്ട് മാനേജ്മെന്റ് ഒപ്പുവച്ച കരാർ പാലിക്കുക, ജോലിസ്ഥിരത ഉറപ്പാക്കുക, തൊഴിലാളികൾക്ക് ക്യാന്റീൻ അനുവദിക്കുക, ഫോട്ടോ പതിച്ച പാസ് നൽകുക, ഇഎസ്ഐ–-പിഎഫ് വിഹിതം തൊഴിലുടമയായ കമ്പനിയുടെ കോഡിൽ അടയ്ക്കുക, അഡ്ഹോക് ഹെൽപ്പർ നിയമനം ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. സമരത്തിനുമുന്നോടിയായി ഫാക്ട് നോർത്ത് ഗേറ്റിൽ നടന്ന വിശദീകരണയോഗം സിഐടിയു യൂണിയൻ പ്രസിഡന്റ് എ ഡി സുജിൽ ഉദ്ഘാടനം ചെയ്തു. സംയുക്ത ട്രേഡ് യൂണിയൻ സമിതി നേതാക്കളായ എം ടി നിക്സൻ, സനോജ് മോഹൻ, എ ഡി അനിൽകുമാർ, കെ എസ് ഷിബു, പി എം അലി, പി അജിത്‌കുമാർ, സി എ നാരായണൻകുട്ടി എന്നിവർ സംസാരിച്ചു. പണിമുടക്കിയശേഷം നോർത്ത് ഗേറ്റിൽനിന്ന് പ്രകടനമായി ഫെഡോ ഗേറ്റിൽ പ്രതിഷേധയോഗവും സംഘടിപ്പിക്കും. Read on deshabhimani.com