സാക്ഷരതാ ദിനാചരണം: വീടുകളിൽ അക്ഷരപരിചയം
വൈപ്പിൻ എടവനക്കാട് എസ്ഡിപിവൈ കെപിഎം ഹൈസ്കൂളിലെ സ്റ്റുഡന്റ് പൊലീസ് കേഡറ്റുകൾ ലോക സാക്ഷരതാദിനം ആചരിച്ചു. അവധിദിനമായതിനാൽ കേഡറ്റുകളോട് വീടുകളിൽത്തന്നെ ദിനാചരണം നടത്താനായിരുന്നു നിർദേശം. "അക്ഷരങ്ങൾക്കുവേണ്ടി അൽപ്പനേരം’ എന്ന പേരിലായിരുന്നു പരിപാടി. മുതിർന്ന കുടുംബാംഗങ്ങളെയും കുഞ്ഞുങ്ങളെയും അക്ഷരമെഴുതിച്ചും പത്രമോ പുസ്തകങ്ങളോ വായിപ്പിച്ചുമാണ് ദിനാചരണം നടത്താൻ ആവശ്യപ്പെട്ടിരുന്നത്. സീനിയർ ഇൻസ്പെക്ടർ ഇ എം പുരുഷോത്തമൻ, അധ്യാപകരായ കെ ജി ഹരികുമാർ, ആർ നിഷാര എന്നിവർ നേതൃത്വം നൽകി. Read on deshabhimani.com