കുന്നുകരയില്‍ പ്രതിപക്ഷ പ്രതിഷേധം
നെടുമ്പാശേരി കുന്നുകര പഞ്ചായത്തിലെ വാർഷിക പദ്ധതിയിൽ പ്രതിപക്ഷവാർഡുകളെ അവഗണിച്ചതിൽ പ്രതിഷേധം. അവഗണിക്കപ്പെട്ട പ്രതിപക്ഷ പഞ്ചായത്ത് അംഗങ്ങള്‍ ഓഫീസിനുമുമ്പിൽ കുത്തിയിരുന്ന് പ്രതിഷേധിച്ചു. പഞ്ചായത്ത് റോഡ് അറ്റകുറ്റപ്പണിക്കുള്ള 55 ലക്ഷം രൂപയിൽ 30 ലക്ഷം രൂപ പഞ്ചായത്ത് വൈസ് പ്രസിഡന്റ്, ക്ഷേമ സ്ഥിരംസമിതി അധ്യക്ഷ എന്നിവരുടെ വാർഡുകളിലാണ് വകയിരുത്തിയിട്ടുള്ളത്. പഞ്ചായത്തിന്റെ പൊതുവികസനം അട്ടിമറിക്കുന്ന രാഷ്ട്രീയ പകപോക്കലാണ് യുഡിഎഫ് നേതൃത്വം നൽകുന്ന ഭരണസമിതി സ്വീകരിക്കുന്നതെന്ന് പ്രതിപക്ഷാംഗങ്ങൾ ആരോപിച്ചു. കുത്തിയിരിപ്പുസമരത്തിൽ പഞ്ചായത്ത് അംഗങ്ങളായ പി ഡി ജയ്സൺ, എം ബി മനോഹരൻ, സുധ വിജയൻ, പി ജി ഉണ്ണിക്കൃഷ്ണൻ എന്നിവർ സംസാരിച്ചു. Read on deshabhimani.com