കളമശേരി സഹ. ബാങ്കിലേക്ക് പ്രതിഷേധമാർച്ച്
കളമശേരി ഇടത് സഹകരണ മുന്നണിയുടെ നേതൃത്വത്തിൽ കളമശേരി സഹകരണ ബാങ്കിലേക്ക് നടത്തിയ പ്രതിഷേധമാർച്ച് സിപിഐ എം ജില്ലാ സെക്രട്ടറിയറ്റ്‌ അംഗം സി കെ പരീത് ഉദ്ഘാടനം ചെയ്തു. വ്യാജ അംഗത്വമെടുത്തവർക്ക് വായ്‌പ നൽകി ബാങ്ക് കൊള്ളയടിക്കാനുള്ള നീക്കം അവസാനിപ്പിക്കുക, എ ക്ലാസിൽനിന്ന് സി ക്ലാസായി തരംമാറ്റിയ ബാങ്കിനെ രക്ഷിക്കാൻ സഹകാരികൾ രംഗത്തിറങ്ങുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ച് സംഘടിപ്പിച്ചത്. കെ എം ഇസ്മയിൽ അധ്യക്ഷനായി. എൽഡിഎഫ് നേതാക്കളായ കെ ബി വർഗീസ്, വി എം ശശി, വി എ സക്കീർ ഹുസൈൻ, എ എം യൂസഫ്, കെ പി കരീം, കരീം നടയ്ക്കൽ, ടി ടി രതീഷ് തുടങ്ങിയവർ സംസാരിച്ചു. Read on deshabhimani.com