വലിച്ചെറിയേണ്ട... ‘ഇരിപ്പിടമൊരുക്കാം'
മട്ടാഞ്ചേരി ഉപയോഗശേഷം ഉപേക്ഷിക്കുന്ന പ്ലാസ്റ്റിക് കുപ്പികൾ ശേഖരിച്ച് അതുപയോഗിച്ച് പൊതുസ്ഥലത്ത് ഇരിപ്പിടങ്ങളൊരുക്കുകയാണ് ആസിയഭായ് ഹയർ സെക്കന്‍ഡറി സ്കൂള്‍ വിദ്യാർഥികൾ. നാടിന്, വിദ്യാര്‍ഥികളുടെ ശിശുദിന സമ്മാനമെന്നനിലയില്‍ ഫോർട്ട്‌ കൊച്ചി സെന്റ് ഫ്രാൻസിസ് ദേവാലയത്തിനുസമീപമാണ് "ബോട്ടിൽ ടു ബഞ്ച്' എന്ന കുപ്പിയിരിപ്പിടം ഒരുക്കിയിരിക്കുന്നത്. 148 പ്ലാസ്റ്റിക് ബോട്ടിലുകൾ ഉപയോഗിച്ചാണ് ഇതു നിര്‍മിച്ചത്. ഇരിപ്പിടം ചായംപൂശി മനോഹരമാക്കിയിട്ടുമുണ്ട്. സ്കൂളിലെ ഭാരത് സ്കൗട്ട് ആൻഡ് ഗൈഡ്, ജംഇയ്യത്തു യൂത്ത് ക്ലബ് കേരള, ജൂനിയർ റെഡ് ക്രോസ് വിദ്യാര്‍ഥികളാണ് ഇരിപ്പിടം നിര്‍മാണത്തിനുപിന്നില്‍. ഡെപ്യൂട്ടി മേയർ കെ എ അൻസിയ, കൗൺസിലർ ആന്റണി കുരീത്തറ എന്നിവർ ചേർന്ന് ഇരിപ്പിടം ഉദ്ഘാടനം ചെയ്തു. പ്രിൻസിപ്പൽ ജൂഡി ജോസഫ് അധ്യക്ഷയായി. വാസിഫ യാസിർ, ഡോ. മുഹമ്മദ്‌ ഷഫീക്, മിർസാദ് എന്നിവർ സംസാരിച്ചു. Read on deshabhimani.com