ചൊവ്വര സഹ. ബാങ്ക് ഷോപ്പിങ് കോംപ്ലക്സ് ഉദ്ഘാടനം ചെയ്തു
കാലടി ചൊവ്വര സഹകരണ ബാങ്കിന്റെ പ്രവർത്തനം വിപുലപ്പെടുത്താനായി ചൊവ്വര ജങ്ഷനില്‍ നിര്‍മിച്ച ഷോപ്പിങ് കോംപ്ലക്സ് മന്ത്രി കെ രാധാകൃഷ്ണന്‍ ഉദ്ഘാടനം ചെയ്തു. ബാങ്ക് പ്രസിഡന്റ് ഒ എൻ ഗോപാലകൃഷ്ണൻ അധ്യക്ഷനായി. ബാങ്ക് സെക്രട്ടറി എ എസ് ഗോപിനാഥ് പ്രവർത്തനറിപ്പോർട്ട് അവതരിപ്പിച്ചു. മുതിർന്ന സഹകാരികളെ ആദരിക്കൽ താലൂക്ക് സർക്കിൾ സഹകരണ യൂണിയൻ ചെയർമാൻ കെ എ ചാക്കോച്ചനും കർഷക തൊഴിലാളികളെ ആദരിക്കൽ പാറക്കടവ് ബ്ലോക്ക് പഞ്ചായത്ത് പ്രസിഡന്റ് ടി വി പ്രദീഷും നിർവഹിച്ചു. മികച്ച കർഷകനെ ആദരിക്കൽ ആലുവ ഏരിയ സെക്രട്ടറി എ പി ഉദയകുമാര്‍ നിർവഹിച്ചു. ബാങ്ക് ഡയറക്ടർ എ എം നാസർ, സിപിഐ എം ശ്രീമൂലനഗരം ലോക്കൽ സെക്രട്ടറി എം പി അബു, ജോയിന്റ് രജിസ്ട്രാർ ജോസാൽ ഫ്രാൻസിസ്, ശ്രീമൂലനഗരം, തിരുവൈരാണിക്കുളം സഹകരണ ബാങ്ക് പ്രസിഡന്റുമാരായ ടി കെ സന്തോഷ്, ടി ഒ ജോൺസൺ, ശ്രീമൂലനഗരം പട്ടികജാതി സഹകരണ സംഘം പ്രസിഡന്റ് എം എ ബൈജു, ചൊവ്വര സഹകരണ ബാങ്ക് മുൻ പ്രസിഡന്റ് ടി വി രാജൻ, ജാരിയ കബീർ, എം കെ മധു, ബാങ്ക് ഡയറക്ടർ വി എച്ച് ഉബൈദുള്ള എന്നിവർ പങ്കെടുത്തു. Read on deshabhimani.com