ക്രിസ്തുരാജ ആശ്രമ ഇടവക ദേവാലയത്തിൽ തിരുനാളിന് കൊടിയേറ്റി
അങ്കമാലി കറുകുറ്റി ക്രിസ്തുരാജ ആശ്രമ ഇടവക ദേവാലയത്തിൽ തിരുനാളിന് ഫൊറോന വികാരി ഫാ. സേവ്യർ ആവള്ളിൽ കൊടി കയറ്റി. ക്രിസ്തുരാജ ആശ്രമത്തിലെ വൈദികർ സമൂഹബലി അർപ്പിക്കുകയും വചനസന്ദേശം നൽകുകയും ചെയ്തു. ഇടവകദിനവും ആചരിച്ചു. നേർച്ചസദ്യയും കലാസന്ധ്യയും നടത്തി. ഇടവകാതിർത്തിയിലെ മൂന്ന് സെന്ററുകളിൽനിന്നുള്ള ക്രിസ്തുരാജ പ്രദക്ഷിണം പള്ളിയിൽ സമാപിച്ചു. തുടർന്ന് വാദ്യമേളം, ആകാശവിസ്മയം, ഫ്യൂഷൻ, ലൈറ്റ് ഷോ എന്നിവയുണ്ടായി. ഞായറാഴ്‌ച വചനസന്ദേശം, പ്രദക്ഷിണം എന്നിവ നടക്കും. തിങ്കൾ രാവിലെ, മരിച്ചവരുടെ ഓർമദിനം ആചരിക്കും. രാത്രി ഏഴിന് ഗാനമേളയും നടക്കും. Read on deshabhimani.com