റവന്യു ജില്ലാ കലോത്സവം ; യുപി വിഭാഗം ഓവറോൾ കിരീടം കൂത്താട്ടുകുളം ഗവ. സ്കൂളിന്‌
കൂത്താട്ടുകുളം റവന്യു ജില്ലാ കലോത്സവത്തിൽ യുപി വിഭാഗത്തിൽ കൂത്താട്ടുകുളം ഗവ. യുപി സ്കൂളിന്‌ ഓവറോൾ കിരീടം. ഒമ്പതിനങ്ങളിൽ മത്സരിച്ച് 42 പോയിന്റ്‌ നേടിയാണ് സ്കൂൾ വിജയകിരീടം ചൂടിയത്. ശേയ സനീഷ്, ധനഞ്ജയ് ഹരി, അഭിനവ് സുമേഷ്, അദ്വയ സുധീഷ്, എസ് ആയില്യ, പി ആർ അനുശ്രി എന്നിവരാണ് വിവിധ ഇനങ്ങളിൽ മത്സരിച്ചത്. ഹെഡ്മിസ്ട്രസ് ടി വി മായ, സി എച്ച് ജയശ്രീ, കൺവീനർ കെ പി ആശ, എം കെ ഹരികുമാർ തുടങ്ങിയവർചേർന്ന് ട്രോഫി ഏറ്റുവാങ്ങി. Read on deshabhimani.com