കർക്കടക വാവ് ബലിതർപ്പണം
കണ്ണൂർ കർക്കടകവാവിന്റെ ഭാഗമായി ജില്ലയിലെ പ്രധാന ക്ഷേത്രങ്ങളിലും കടൽതീരങ്ങളിലും ബലിതർപ്പണംനടന്നു. കണ്ണൂർ പയ്യാമ്പലം, തളാപ്പ് സുന്ദരേശ്വര ക്ഷേത്രം, മുഴപ്പിലങ്ങാട് ഡ്രൈവ് ഇൻ ബീച്ച്, തോട്ടട കടപ്പുറം, ചൊവ്വ ശിവക്ഷേത്രം, തലശേരി ജഗന്നാഥ ക്ഷേത്രം, തൃച്ചംബരം ശ്രീകൃഷ്ണക്ഷേത്രം ,തലായി കടപ്പുറം, കൊട്ടിയൂർ അമ്പലം, പയ്യാവൂർ വാസവപുരം മഹാവിഷ്ണു ക്ഷേത്രം എന്നിവിടങ്ങളിലെല്ലാം പുലർച്ചെ 5.30 ഓടെ ചടങ്ങുകളാരംഭിച്ചു. പയ്യാമ്പലത്ത് വിവിധ സംഘടനകൾ തർപ്പണത്തിന് സൗകര്യമൊരുക്കി. പൊലീസ്, അഗ്നിരക്ഷാ സേന, ലൈഫ് ഗാർഡുമാരുമുണ്ടായി. ഐആർപിസി വളന്റിയർമാരുടെ സേവനവും വൈദ്യസഹായവും ലഭ്യമാക്കി. സിപിഐ എം ജില്ലാ സെക്രട്ടറി എം വി ജയരാജൻ, ഐആർപിസി ഉപദേശകസമിതി ചെയർമാൻ പി ജയരാജൻ എന്നിവരെത്തി. Read on deshabhimani.com