എകെപിഎ ജില്ലാ സമ്മേളനം
പഴയങ്ങാടി ഓൾ കേരള ഫോട്ടോഗ്രാഫേഴ്സ് അസോസിയേഷൻ (എകെപിഎ) 40-ാമത് ജില്ലാ സമ്മേളനത്തോടനുബന്ധിച്ച് പ്രകടനവും പൊതുസമ്മേളനവും നടന്നു. മാടായി കോ -ഓപ്പറേറ്റീവ് റൂറൽ ബാങ്ക് പി സി സി മെമ്മോറിയൽ ഹാളിലെ വി പുഷ്പരാജൻ നഗറിൽ പൊതുസമ്മേളനം ടി ഐ മധുസൂദനൻ എംഎൽഎ ഉദ്ഘാടനംചെയ്തു. ജില്ലാ പ്രസിഡന്റ് എസ് ഷിബുരാജ് അധ്യക്ഷനായി. സമ്മേളനത്തോടനുബന്ധിച്ച് നടന്ന മത്സരങ്ങളിൽ വിജയികളായവർക്ക്‌ സമ്മാനങ്ങളും നൽകി. സംസ്ഥാന പ്രസിഡന്റ് എ സി ജോൺസൺ മുഖ്യപ്രഭാഷണം നടത്തി. സംസ്ഥാനതലത്തിൽ നടന്ന മത്സരങ്ങളുടെ വിജയികളെയും മറ്റു വിവിധ മേഖലകളിൽ കഴിവ് തെളിയിച്ചവരെയും സംസ്ഥാന ജനറൽ സെക്രട്ടറി ബിനോയ് കള്ളാട്ടുകുഴി ആദരിച്ചു. സംസ്ഥാന ചലച്ചിത്ര അവാർഡ് ജേതാവ് ഹരീഷ് മോഹൻ വിശിഷ്ടാതിഥിയായി. ഉണ്ണി കൂവോട്, എം പി ഉണ്ണികൃഷ്ണൻ, ബേബി സുനാഗർ, രാജേഷ് കരേള, പ്രജിത്ത് കണ്ണൂർ, പി ടി കെ രജീഷ്, വിതിലേഷ് അനുരാഗ്, പി പി ജയകുമാർ, കനക സുരേഷ് എന്നിവർ സംസാരിച്ചു. ജില്ലാ സെക്രട്ടറി സുനിൽ വടക്കുമ്പാട് സ്വാഗതവും മനോജ് കാർത്തിക നന്ദിയുംപറഞ്ഞു. Read on deshabhimani.com