കോടിയേരിയുടെ വീട് യെച്ചൂരി സന്ദർശിച്ചു
തലശേരി അന്തരിച്ച സിപിഐ എം പൊളിറ്റ്‌ബ്യൂറോ അംഗം കോടിയേരി ബാലകൃഷ്‌ണന്റെ വീട് ജനറൽ സെക്രട്ടറി സീതാറാം യെച്ചൂരി സന്ദർശിച്ചു. തലശേരിയിൽ സി എച്ച്‌ ദിനാചരണ പൊതുസമ്മേളനം ഉദ്‌ഘാടനം ചെയ്യാനെത്തിയതായിരുന്നു യെച്ചൂരി. കോടിയേരിയുടെ ഭാര്യ വിനോദിനിയുമായി സംസാരിച്ചു. കോടിയേരിയുടെ വീട്ടിലെ മ്യൂസിയവും യെച്ചൂരി സന്ദർശിച്ചു. ആശ്രയ കോടിയേരി ബാലകൃഷ്ണൻ സ്‌മാരക പാലിയേറ്റീവ്‌ സെന്റർ സന്ദർശിച്ച യെച്ചൂരി രോഗികളുടെ കൂട്ടിരിപ്പുകാരുമായി സംസാരിച്ചു. സ്‌പീക്കർ എ എൻ ഷംസീറും ഒപ്പമുണ്ടായിരുന്നു. Read on deshabhimani.com